请选择 进入手机版 | 继续访问电脑版

中国都昌网

查看: 54994|回复: 20

都昌方言小说 钻子头过年

 

该用户从未签到

发表于 2011-4-13 23:20 | 显示全部楼层 |阅读模式
桥头边只钻子头到屋里过年时心里兴纵得。在外头打得一年蛮工,风吹雨答,六月天里当昼在外头晒得身上黑汗水流,还掐死掐命,过清明寄得一千块钱到老婆,六月里双抢个时得又搭得一千多块钱到屋,腊月里到屋里过年,荷包里还舞得两万好几千块干净钱。 # Q) q& U2 w& W( r) Q9 x: O
        钻子头今年算亨时,其只细母舅得在外头做个细细包工头得,包得一段路做,叫钻子头跟其帮靴,不光是出力做蛮工,还要帮靴打梗概,还要操点把心血得,管管工地上个东西,其只细母舅得也算好,一点都冒吃其只铜,才让钻子头舞得里个多钱。往年得钻子头跟别人打工,也一样个做蛮工,一样个风吹雨答,一样个掐死掐命,能舞到个么一万四五千块干净钱得到屋就嘶笑个。 # q8 u8 h* @3 q
        腊月十几里到屋,笑面得冒挂几日,钻子头得就笑不起来,越过越起瘟火。在屋场四到里走走,走得心里瘟火得崩,在自己屋里坐,也是坐得心里火星得爆。看到么得都不顺眼,肚里有火还谬哪里出处,就寻老波柳花得个搬头。柳花得也可怜,辛辛苦苦天光忙到夜,还要跟钻子头打干瘪鼓。 ' m, e# t0 O  R& G0 x9 J: ^' b
        钻子头心里难过,是想到自己两只化生子崽俚,想到自己夫妻两个在崽俚头上花得许多心血得,都送得读大学,还不如别人冒送读书个崽。
2 D& u/ `6 i( N4 g7 t. i        虽说钻子头拿得许多个钱到屋,还有屋里柳花得田地里猪栏里也舞得四五千块钱,加起来两万多,可钻子头到屋冒过几日,跟头就冒盈只卵。送崽俚读书借得许多个钱,里个三千嗯个两千还得别个,东一散西一散就谬得,也就是少打些逼供得,省得别人腊月三十还跑得屋里来讨债。
9 c3 X# S: h% P6 \' n! X+ O5 T        里都不说,欠人家个钱总要还。
5 R: O, t9 |  _/ Q6 J9 M0 |* O        钻子头肚里起瘟火,心里火星得爆,为的两只不成器个化生子崽,到现在还冒到屋里过年,不光人冒来,电话也冒打一只来。
( c, n+ [3 Q( r* g        里都是自己烂卵,晓得刊两只里个鬼东西,当初还不如屙到尿桶里去。看到别人个崽带老婆来过年,开车来过年,钻子头气得骂自己,骂柳花得。
* ]4 M& y7 L' p! I月二十三,钻子头在床上困到朝饭过后,才等别人叫得起来。侧边屋场上老得一只老倌,老倌位下人来请钻子头打课书,看封殓个时辰跟出殡个日子。* D& t2 F. q4 \, ]$ C5 B, R
1 \$ J8 I! U  m9 C
钻子头读得个书得,也叫做假演得个高中毕业。其读书个时得碰得**,读书叫做开门办学,不是跟着学里个表演队半夜三更到学堂侧边上屋场上唱歌得,就是跟一到老师论只礼拜到广阔天地搞大有作为。
! v$ ~; G% C* R; ~6 y& p
) \, Z3 h. ~/ E好多人跟钻子头样个高中毕业是白读得,读来读去也就是认得几点死眼钟字,一些用处得都冒有。钻子头不同,其只书冒白读,反正其是从来不做谬用个事。也表得其是从惹里只那角里寻得许多个里样个嗯样个鬼书,看看书得就跟别人看日子、打课书、打时、看地。嘿嫑说嘞,钻子头里样个三十三天得个扮,一年到头也可舞得好多个鬼东西。其不在屋里就算定,其在屋里个日子,么卵简级烟得得嫑钱买长期有个得手里飘,简级酒得嫑钱打间往得有个得口里滋,碰到做屋拜堂个看日子还要拎个肉得过来,闲往得不说,过年个肉钻子头都不买,就是别人拎来个二三十斤肉得过只勒实年。# w; O- H5 |+ J' n. a+ F
) L& O4 X" f' b$ r1 s( A
给别人打了课书,人家拿得六十块钱到其。现个人都醋爽,就是光拿个钱得,拿个人省得拎拎掸掸拎只篮,得个人拿得钱愿买么得买么得,都对扭。钻子头到屋里十多日得,就看得十几只日子,舞得差不多上千块钱。) j" J4 P  l! b" m

; Q! K, E4 F/ v" ~4 V2 N其实,像过年个时得,钻子头还真望别人拎个肉得烟得酒得来,省得花钱斫肉买烟打酒。虽说别人拿个钱斫肉也是一样个,但叫钻子头拿荷包里个钱去斫肉吃还真舍不得。
* \% y, [! Y+ p" w9 |$ D# ^9 v
  t$ Q. G' c2 s3 `7 z3 H6 H: A% j4 p2 b: W过年又不能不吃肉。钻子头张望别人拿来个肉过年,惹晓得腊月二十三都冒舞到一钱肉,过年个肉表得惹里望天不说,到屋里许多时,钻子头还冒吃过一块肉,日日萝卜青菜,餐餐青菜萝卜,肚里都跟上得锈样个。/ t" w& i( d) X7 E& v
7 I4 J4 H8 V) H, ^& Q" h7 a
看好得日子,送得别人出门,钻子头就到灶屋里寻粥吃。粥煮好得在锅里,钻子头盛得一碗粥、四只糯米过年粑坐得灶跟吃。柳花得煮好得粥就到坂里扯萝卜去得。, A! T4 t; ]* H* T% ~4 q* X

( X& e: j" ]2 s$ A, w) |! |: D% F日日萝卜,日日萝卜,钻子头吃洋得,想寻个别么事菜渗粥。别么得也谬个寻,就是霉豆腐辣椒酱。还真是撞得好,一坛霉豆腐正好吃了得,柳花得把只霉菌豆腐坛浸得泔水里。3 p% ]; K! J- L2 b: m

9 v& K% |8 g+ T3 N( _9 _7 J1 D钻子头晓得,霉豆腐是昨日吃了得,但霉豆腐坛里还有好多霉豆腐水,拿到钻子头本来还可渗得好几日粥,惹晓得柳花得连霉豆腐水一套丢得泔水里。
, H& Z1 d' k& a
) Q$ J7 o& B7 b( m4 ~6 v“里只打八败个女卵。”钻子头气得骂柳花得。+ o! W( z/ e. Q" r: O0 L& Q

" H, R7 Q; D; f" T9 x  s; I柳花得恰好嘿着叭着跳得一担萝卜到屋,听到钻子头骂其,也不输火账:“么人打八败,打打工得到屋里就表得几大个功样个,屋里个事你菩萨不劳卵神,表得跟几大个官样个摆档,煮得嗯吃还要说里个说嗯个,我打比是一年戏到头比哟,嗯还是跟到我老弟做个呆事得,我屋里坂里坂里屋里,什么事都是自打鼓自划船。”
% w( M) O) n% ?1 f/ y  H4 i
2 R  v7 {6 q* c6 ?. t4 T柳花得说得眼泪都渀得出来的。
! s: R/ _" {2 |  c$ m" @* F
9 |1 D: H5 Q. d8 W' V

该用户从未签到

发表于 2011-4-14 14:29 | 显示全部楼层
我总骂小气的朋友叫钻子头

该用户从未签到

发表于 2011-4-14 16:37 | 显示全部楼层
黄丽芳钻子头

该用户从未签到

发表于 2011-4-14 20:44 | 显示全部楼层
钻子头会过日子哦

该用户从未签到

发表于 2011-4-15 12:00 | 显示全部楼层
嗯硬當真是個鉆子頭

该用户从未签到

发表于 2011-4-16 08:22 | 显示全部楼层
家乡话写 的 真好

该用户从未签到

发表于 2011-4-17 23:35 | 显示全部楼层
回复 寂寞盼天亮 的帖子5 X2 c" N) M: t
8 x3 K- V, N% H0 d
哈哈,,,不是我写的
% D! v( a( V0 v; q5 Q' _. a& x7 i+ e, W; T; v. t4 }. L  n0 s

该用户从未签到

发表于 2011-4-21 12:23 | 显示全部楼层
转载作品,应注明作者与出处。5 a2 {* A2 v' M& t" I
这是起码的道德修养。

该用户从未签到

发表于 2011-4-21 12:24 | 显示全部楼层
《钻子头过年》----------徐红生老师的作品。

该用户从未签到

发表于 2011-4-21 23:37 | 显示全部楼层
回复 战鹰 的帖子" Y: Q# a5 I4 D3 I9 o7 c# }' |

; x9 [" p/ W% ^; W是吧zz我偷过来的/

发表回复

*滑动验证:
您需要登录后才可以回帖 登录 | 注册

本版积分规则

联系客服 关注微信 下载APP 返回顶部 返回列表