请选择 进入手机版 | 继续访问电脑版

中国都昌网

查看: 46602|回复: 20

都昌方言小说 钻子头过年

 

该用户从未签到

发表于 2011-4-13 23:20 | 显示全部楼层 |阅读模式
桥头边只钻子头到屋里过年时心里兴纵得。在外头打得一年蛮工,风吹雨答,六月天里当昼在外头晒得身上黑汗水流,还掐死掐命,过清明寄得一千块钱到老婆,六月里双抢个时得又搭得一千多块钱到屋,腊月里到屋里过年,荷包里还舞得两万好几千块干净钱。 5 K% \- J+ s& h# G. b
        钻子头今年算亨时,其只细母舅得在外头做个细细包工头得,包得一段路做,叫钻子头跟其帮靴,不光是出力做蛮工,还要帮靴打梗概,还要操点把心血得,管管工地上个东西,其只细母舅得也算好,一点都冒吃其只铜,才让钻子头舞得里个多钱。往年得钻子头跟别人打工,也一样个做蛮工,一样个风吹雨答,一样个掐死掐命,能舞到个么一万四五千块干净钱得到屋就嘶笑个。
/ s! K# u" S& N        腊月十几里到屋,笑面得冒挂几日,钻子头得就笑不起来,越过越起瘟火。在屋场四到里走走,走得心里瘟火得崩,在自己屋里坐,也是坐得心里火星得爆。看到么得都不顺眼,肚里有火还谬哪里出处,就寻老波柳花得个搬头。柳花得也可怜,辛辛苦苦天光忙到夜,还要跟钻子头打干瘪鼓。
# G* z, Z' g5 I3 @6 ?# L        钻子头心里难过,是想到自己两只化生子崽俚,想到自己夫妻两个在崽俚头上花得许多心血得,都送得读大学,还不如别人冒送读书个崽。
" X5 q. R, \- N; U! t1 N. k8 Y        虽说钻子头拿得许多个钱到屋,还有屋里柳花得田地里猪栏里也舞得四五千块钱,加起来两万多,可钻子头到屋冒过几日,跟头就冒盈只卵。送崽俚读书借得许多个钱,里个三千嗯个两千还得别个,东一散西一散就谬得,也就是少打些逼供得,省得别人腊月三十还跑得屋里来讨债。
* w" V3 p5 H# k7 r        里都不说,欠人家个钱总要还。
0 r% ?# ^% ?7 i% r        钻子头肚里起瘟火,心里火星得爆,为的两只不成器个化生子崽,到现在还冒到屋里过年,不光人冒来,电话也冒打一只来。
2 r: A- v4 D. r- W7 u        里都是自己烂卵,晓得刊两只里个鬼东西,当初还不如屙到尿桶里去。看到别人个崽带老婆来过年,开车来过年,钻子头气得骂自己,骂柳花得。
5 F. N; Z  ^5 X月二十三,钻子头在床上困到朝饭过后,才等别人叫得起来。侧边屋场上老得一只老倌,老倌位下人来请钻子头打课书,看封殓个时辰跟出殡个日子。
3 A+ A% e1 ~8 t( T/ U. K$ d
8 S9 M6 m- y! a5 W/ U& _3 T钻子头读得个书得,也叫做假演得个高中毕业。其读书个时得碰得**,读书叫做开门办学,不是跟着学里个表演队半夜三更到学堂侧边上屋场上唱歌得,就是跟一到老师论只礼拜到广阔天地搞大有作为。
- h: D# A$ b2 u, P3 \  _  r* ^
! l. @2 |1 |: I- Z好多人跟钻子头样个高中毕业是白读得,读来读去也就是认得几点死眼钟字,一些用处得都冒有。钻子头不同,其只书冒白读,反正其是从来不做谬用个事。也表得其是从惹里只那角里寻得许多个里样个嗯样个鬼书,看看书得就跟别人看日子、打课书、打时、看地。嘿嫑说嘞,钻子头里样个三十三天得个扮,一年到头也可舞得好多个鬼东西。其不在屋里就算定,其在屋里个日子,么卵简级烟得得嫑钱买长期有个得手里飘,简级酒得嫑钱打间往得有个得口里滋,碰到做屋拜堂个看日子还要拎个肉得过来,闲往得不说,过年个肉钻子头都不买,就是别人拎来个二三十斤肉得过只勒实年。
! E2 [/ C7 E) v/ Q" m/ @! \) _# X9 F' z) E! B- T1 [
给别人打了课书,人家拿得六十块钱到其。现个人都醋爽,就是光拿个钱得,拿个人省得拎拎掸掸拎只篮,得个人拿得钱愿买么得买么得,都对扭。钻子头到屋里十多日得,就看得十几只日子,舞得差不多上千块钱。
' F* _# I  X0 T3 f2 h+ G# H3 _! b) {! G" g6 n$ G4 n  q/ I
其实,像过年个时得,钻子头还真望别人拎个肉得烟得酒得来,省得花钱斫肉买烟打酒。虽说别人拿个钱斫肉也是一样个,但叫钻子头拿荷包里个钱去斫肉吃还真舍不得。0 S" ~/ P* }" r9 W5 ]+ I

3 f# n, C/ F' W7 `" ~/ G8 ~* }% h过年又不能不吃肉。钻子头张望别人拿来个肉过年,惹晓得腊月二十三都冒舞到一钱肉,过年个肉表得惹里望天不说,到屋里许多时,钻子头还冒吃过一块肉,日日萝卜青菜,餐餐青菜萝卜,肚里都跟上得锈样个。
, e$ K# `1 K& q( t0 M/ c  X$ N
& m0 g  M% E% Y3 k5 P, I看好得日子,送得别人出门,钻子头就到灶屋里寻粥吃。粥煮好得在锅里,钻子头盛得一碗粥、四只糯米过年粑坐得灶跟吃。柳花得煮好得粥就到坂里扯萝卜去得。2 \! C, l# |) V8 d

0 d( |$ ?7 g+ [: H: b, p1 R日日萝卜,日日萝卜,钻子头吃洋得,想寻个别么事菜渗粥。别么得也谬个寻,就是霉豆腐辣椒酱。还真是撞得好,一坛霉豆腐正好吃了得,柳花得把只霉菌豆腐坛浸得泔水里。
$ g3 s" z3 F* U
. }# Y( L2 e5 K1 h5 _3 y* Y钻子头晓得,霉豆腐是昨日吃了得,但霉豆腐坛里还有好多霉豆腐水,拿到钻子头本来还可渗得好几日粥,惹晓得柳花得连霉豆腐水一套丢得泔水里。. |6 K8 H( c2 P/ P: z

  [- n5 L1 R" ]) u! T“里只打八败个女卵。”钻子头气得骂柳花得。
+ u7 t; @6 C0 q# I9 a$ @1 ~8 `) L& R0 z0 Q& }
柳花得恰好嘿着叭着跳得一担萝卜到屋,听到钻子头骂其,也不输火账:“么人打八败,打打工得到屋里就表得几大个功样个,屋里个事你菩萨不劳卵神,表得跟几大个官样个摆档,煮得嗯吃还要说里个说嗯个,我打比是一年戏到头比哟,嗯还是跟到我老弟做个呆事得,我屋里坂里坂里屋里,什么事都是自打鼓自划船。”
* E) S* l& E5 n1 N" n% p( u, `& P
柳花得说得眼泪都渀得出来的。: t# [8 H. J& X

6 A+ B( d7 }3 W( A1 c+ ~

该用户从未签到

发表于 2011-4-14 14:29 | 显示全部楼层
我总骂小气的朋友叫钻子头

该用户从未签到

发表于 2011-4-14 16:37 | 显示全部楼层
黄丽芳钻子头

该用户从未签到

发表于 2011-4-14 20:44 | 显示全部楼层
钻子头会过日子哦

该用户从未签到

发表于 2011-4-15 12:00 | 显示全部楼层
嗯硬當真是個鉆子頭

该用户从未签到

发表于 2011-4-16 08:22 | 显示全部楼层
家乡话写 的 真好

该用户从未签到

发表于 2011-4-17 23:35 | 显示全部楼层
回复 寂寞盼天亮 的帖子: m) x) R, L, s% t

2 M5 o: X; o% v哈哈,,,不是我写的" O1 R; b( p) a8 _# D& T
3 T, q8 a+ f% B2 e3 c

该用户从未签到

发表于 2011-4-21 12:23 | 显示全部楼层
转载作品,应注明作者与出处。) V% d: p3 S; r# w; f
这是起码的道德修养。

该用户从未签到

发表于 2011-4-21 12:24 | 显示全部楼层
《钻子头过年》----------徐红生老师的作品。

该用户从未签到

发表于 2011-4-21 23:37 | 显示全部楼层
回复 战鹰 的帖子/ Z% K$ P6 d; S1 j. J
9 y: Q/ |' M2 F) z# o0 o8 {, u; T; K: X
是吧zz我偷过来的/

发表回复

*滑动验证:
您需要登录后才可以回帖 登录 | 注册

本版积分规则

联系客服 关注微信 下载APP 返回顶部 返回列表